Enes ans vint, dus joeni de Bausen, Francisco de Doceta e Teresa de Belana, s’enamorèren e captivèren às sòns vesins, qu’admirauen prigondaments er amor qu’es dus joeni se manifestauen Un dia decidiren maridar-se, mès eth rector les exigic ua grana quantitat de sòs peth hèt d’èster emparentats, encara que siguesse un parentiu de luenh, e non cedic as supliques des dus enamoradi. Aguesti decidiren seguir damb eth sòn amor e víuer amassa, enquia que Teresa siguec malauta e moric eth 10 de mai de 1916, damb sonque 33 ans, e tanpòc alavetz eth rector accedic a dar-li santa sepultura en cementèri deth pòble. Deuant era desesperacion de Francisco e damb grana indignacion, toti es vesins sense cap d’excepcion, l’enterrèren damb tota dignitat en cementèri civiu a on repose, e a on cada an eth hilh frut der amor que viueren deposite flors fresques.

Enguan s’an complit 100 ans dera mòrt de Teresa de Belana e eth sòn pòble, Bausen, li a rendut aué un caud aumenatge.

Er acte a compdat damb era preséncia deth sindic d’Aran, Carlos Barrera, dera bailessa de Bausen, Veronica Fontan, dera conselhèra de Torisme e Desvolopament Economic d’Aran, Anna Díaz, deth conselhèr, Francés X. Boya, e dera conselhèra, Maria Vergés.

Vielha, 16 d’agost de 2016

Conselh Genereau d’Aran: Núria Sanjuan