• Endesa Generación Lleida, d’acòrd damb eth protocòl damb era CHEBRO, manten activat preventiuament eth sòn plan de pre emergéncia en arriu Garona pera superacion de cabau 78m3/s.

Er arriu Garona ath sòn pas per Bossòst (Camin de Camon)

Tecnics deth Conselh Generau d’Aran s’an desplaçat enquia diferenti punts der arriu Garona entà garantir e refortilhar es proteccions a causa der aument deth cabau der arriu Garona.

– Camin de Camon: Eth Conselh Generau d’Aran a facilitat ar Ajuntament de Bossòst es sòns tecnics entà decidir era intervencion que cau realizar entà protegir 30m deth camin de Camon.

– Era Bordeta: Tecnics deth Conselh Generau d’Aran s’an desplaçat e ja s’interven entà refortilhar era proteccion e garantir atau era seguretat.

Eth sindic d’Aran, Carlos Barrera, e eth conselhèr d’Agricultura, Ramaderia e Medi Naturau, Jose E. Arró, s’an desplaçat enquiàs punts de proteccion deth Garona.