• Era exposicion recuelh eth trabalh realizat pes estudiants dera Escòla Superior d’Arquitectura dera Universitat Rovira i Virgili de Reus des deth 2011 enquiara
Eth passat 29 de març era Sala polivalenta deth Centre Civic “El Passeig” de La Seu d’Urgell acuelhec era inauguracion dera exposicion sus es glèises araneses: “Glèises en cornaenclinc dera Val d’ Aran”, trabalh realizat pes estudiants dera Escòla Superior d’Arquitectura dera Universitat Rovira i Virgili de Reus des deth 2011 enquiara.
Eth portar aguesta exposcion entà La Seu d’Urgell a estat a demana dera Delegacion deth Collegi d’Arquitectes de Catalonha der Alt Pirinèu e Aran atau coma de portar tota aguesta informacion tara sedença der Arquevescat d’Urgell.
Entre es presents ar acte: Monsenhor Josep Maria Mauri, vicari generau deth Bisbat, Mossen Pere Balagué, archiprèst dera Val d’ Aran, Mossen Jusèp Amiell, e Josep Lluís i Ginovart, Agustí Costa, Sergio Coll, des Escòles Superiores d’Arquitectura des Universitats Rovira i Virgili e Universitat Internacionau de Catalonha, cap deth projècte damb es mès de 120 estudiants que dejà an aportat es sòns diboishi, estudis e conclusions, sus es construccions e patologies d’aguestes glèises, era còsso de Cultura der Ajuntament de La Seu d’ Urgell, Mireia Font e Ricard Lobo, delegat deth Collegi d’ Arquitectes de Catalonha entre d’auti.
Per part deth Conselh Generau d’ Aran i assitiren Jèp de Montoya e Elisa Ros que expliquèren tot eth procés amiat a tèrme pendent aguesti sies ans des deth Conselh Generau amassa damb eth Bisbat e es Universitats e deishèren de manifèst era intencion dera institucion de trebalhar en tot crear er expedient tà que bèth dia era Val d’ Aran pogue demanar ara UNESCO era Declaracion de Patrimòni dera Umanitat.
Vielha, 5 d’abriu de 2017
Conselh Generau d’Aran: Núria Sanjuan