EDICTE

deth Conselh Generau d’Aran, sus era convocatòria de subvencions entara recuperacion deth miei naturau: prats de dalhs entar exercici 2010.

 

Eth Conselh de Govèrn deth Conselh Generau d'Aran de data 4 de mai de 2010 a aprovat era convocatòria entara concession de subvencions entara recuperacion deth miei naturau: prats de dalhs entar exercici 2010. Es determinacions basiques dera convocatòria son es següentes:

 

Normativa reguladora:

Bases Especifiques de concession de subvencions entara recuperacion deth miei naturau: dalh de prats, 2010.

 

Crèdit pressupostari:

Er impòrt totau des subvencions non poirà excedir dera quantitat deth crèdit disponible ena aplicacion pressupostària 01.172.489.07 deth pressupòst generau vigent deth Conselh Generau d'Aran.

 

Objècte, condicions e finalitat:

Era concession d’ajudes e subvencions economiques qu’autrege eth Conselh Generau d’Aran entara recuperacion deth miei naturau: dalh de prats.

Er àmbit temporau d’execucion des activitats a realizar finalizarà eth 30 de noveme de 2010.

 

Requisits des beneficiaris entà sollicitar era subvencion:

S’establissen coma possibles persones beneficiàries d’aguesta subvencion es persones que recuelh era basa quataua des Bases Especifiques de concession de subvencions entara recuperacion deth miei naturau: dalh de prats, tostemp que complissen es requisits que merque er article 13 dera Lei 38/2003, de 17 de noveme, Generau de Subvencions.

 

Cossent damb es condicions determinades pes bases especifiques reguladores, era sollicitud e era rèsta de documentacion indicada ena basa cincaua se presentarà en Registre Generau deth Conselh Generau d’Aran o pes mieis qu’establís er article 38.4 dera Lei 30/1992, de 26 de noveme, de Regim Juridic des Administracions Publiques e deth Procediment Administratiu Comun.

 

Organs competents entara instruccion e resolucion deth procediment.

Er organ resolutòri dera convocatòria des subvencions entara recuperacion deth miei naturau: dalh de prats, serà eth Conselh de Govèrn, a prealable informe des servicis tecnics deth Departament de Miei Ambient e Pagesia deth Conselh Generau d'Aran.

 

Tèrme de presentacion de sollicituds.

1 mes des dera data de publicacion en BOP de Lleida.

 

Tèrme de resolucion e notificacion:

Eth Conselh Generau d’Aran procedirà a notificar era resolucion de concession e denegacion des subvencions a cadua des persones sollicitantes en un tèrme maxim de tres (3) mesi. Sense perjudici d’açò, se procedirà ara publicacion en BOP de Lleida dera listra de persones subvencionades, des quaus, parionament, se ne darà publicitat mejançant era exposicion en taulèr d’anoncis deth Conselh Generau d’Aran.

 

Er autrejament d’ua subvencion non darà dret ara sua prorròga o renauida mès enlà der exercici en curs. Aguesti autrejaments non impliquen de cap des manères er establiment d’ua relacion administrativa o laborau entre es persones beneficiàries e eth Conselh Generau d’Aran.

 

Documentacion e informacion qu’aurà d’inclodir era peticion.

Se determinen en article 5aua des bases especifiques.

 

Impòrt subvencionable:

Era quantia a subvencionar entad aguesta convocatòria 2010 ei de 100 € per ectarea.

 

En cas qu’es disponibilitats pressupostàries non siguen sufisentes entà atier totes es sollicituds que se presenten, era quantitat a subvencionar que se fixe en aguesta convocatòria entar exercici 2010, s’ajustarà ara baisha proporcionauments enquià agotar eth limit deth crèdit pressupostari disponible.

 

Regim de recorsi.

Er acòrd de resolucion dera convocatòria met fin ara via administrativa.

 

Regim juridic.

Seràn d’aplicacion eth Decrèt 179/1995, de 13 de junh, peth quau s’apròve eth Reglament d’Òbres, Activitats e Servicis des Ens Locaus de Catalunya; era Lei 38/2003, de 17 de noveme, Generau de Subvencions; eth RD 887/2006, de 21 de junhsèga, Reglament Generau de Subvencions, en tot çò non previst especificament, seràn d’aplicacion es Bases d’Execucion deth pressupòst generau deth Conselh Generau d’Aran entar exercici 2010 atau coma era normativa legau vigenta que sigue d’aplicacion.

 

Mieis de publicitat:

BOP de Lleida e ena pagina web deth Conselh Generau d'Aran.

 

Publicitat des bases.

Es bases específiques entara convocatòria de subvencions entara recuperacion deth miei naturau: prats de dalhs entar exercici 2010 publicades damb aguesta convocatòria se sotmeten a informacion publica per tèrme de 20 dies, a compdar de londeman ara publicacion d’aguest anunci en BOP e en taulèr d’anoncis dera corporacion, ar efècte qu’es persones interessades poguen examinar-lo e presentar possibles reclamacions e/o allegacions. Se passat aguest tèrme non s’an presentat reclamacions ne allegacions en contra, aguestes bases s’enteneràn definitivament aprovades sense besonh d’ulterior acòrd.