Es passadi dies 2, 3 e 4 de mai se celebrèc enes installacions deth Fotbòl Club Barcelona era Copa Internacionau Ciutat de Barcelona 2014, darrèra pròva puntuable dera Liga Catalana de Patinatge Artistic sus gèu.

Eth Club d’Espòrts de Gèu Val d’Aran artenhec fòrça boni resultats ath long des tres dies de competicion.

Per çò qu’ei des categories d’Escòla e Debutants, Naia España e Martí Alonso demorèren era tresau e prumèra posicion respectivaments. Eth dusau lòc dera categoria Debs A siguec entà Lucia Sanchez e era tresau posicion ena categoria Alevi entà Ares Capdevila.

Ena categoria Cadet femenin es aranesi heren triple pòdium damb Leire España ena prumèra posicion, Irene Moreno ena dusau e Marta Tetas ena tresau. Atau coma Marta Lopez e Klara Voborilova se heren damb era dusau posicion enes categories Junior A e Novice Basic respectivaments. Eth prumèr lòc dera categoria Veterana siguec entà Julien Levacher tanben deth CEGVA.

Per çò qu’ei dera categoria Novice Advanced, eth joen Alexandru Illici se placèc en tresau lòc e ena categoria de parelhes Basic Novice era parelha composada per Alexandru Illici e Georgina Serrallach recent arribadi de Berlin artenheren era dusau posicion deth pòdium.

Era entrenadora deth club, Nathalie Pardos a avalorat fòrça positivaments es resultats obtengudi tant en aguest campionat coma en totes es pròves dera liga catalana.