• Entà commemorar eth Dia Internacionau dera Hemna, pera egalitat d’oportunitats, eth Servici d’Informacion e Atencion ara Hemna (SIAH) deth Conselh Generau d’Aran a organizat diuèrsi actes.

Es Nacions Unides declarèren eth 8 de març coma Dia Internacionau des Hemnes, ua commemoracion que se celèbre per tot eth mon. Entà commemorar aguest dia, des deth Servici d’Informacion e Atencion ara Hemna (SIAH) deth Conselh Generau d’Aran s’an organizat diuèrsi actes:

– Dissabte, 7 de març, de 17h00 a 20h00: Entrega des samarretes e des dorsaus entara 2au Corsa dera hemna. Pendent era tarde s’aufrirà chicolate. Lòc: Plaça deth Conselh Generau d’Aran (monument ara Lengua). Vielha.

– Dimenge, dia 8 de març, a compdar des 11h00: Lectura deth manifèst en commemoracion ath dia dera Hemna, a cargue deth conselhèr de Salut e Benèster d’Aran, Eduardo Valdecantos. Era lectura darà eth tret de gessuda ara 2au Corsa dera Hemna que se desvoloparà peth pòble de Vielha. Lòc: Plaça deth Conselh Generau d’Aran (monument ara Lengua). Vielha.

Era corsa dera hemna ei possible gràcies ara ajuda e ar entosiasme deth Club Atletic Val d’Aran (CAVA), expèrts en mon der espòrt, damb era collaboracion der Ajuntament de Vielha e Mijaran, des Volentaris d’Aran, e der Institut Català de les Dones dera Generalitat de Catalonha.