Vielha, 16 de gèr de 2019.- Quate corredors deth Club CEVA an estat seleccionadi entà concórrer ena 1ª Fasa dera Copa Espanha Audi qu’era prumèra pròva se disputarà eth pròplèu 18 de gèr en Sierra Nevada. Es corredors deth Club CEVA seleccionadi son Isabella González e Alfonso Cubillo en U14 e Jan Jorge e Guillermo Meire en U16.

D’auta part, es corredors e corredores deth Club CEVA participèren era darrèra dimenjada enes prumères pròves dera sason ena Masella damb eth 14è Gran Premi Cerdanya U-14, e era X Copa Pyrénéus.

Isabella González Barot deth Club CEVA artenhec era 7au posicion en Gigant disputat eth dissabte deth GP Cerdanya U14, que tanben destaquèc era 19au posicion artenhuda per Andrea Rodríguez Elosegui. En SL U14 deth dimenge, Isabela González artenhec ena 9au posicion e Andrea Rodríguez ac hec en lòc 18au.

En categoria masculina, Alfonso Cubillo Goytre deth Club CEVA artenhec era 9au posicion en Gigant U14 deth dissabte e Victor Bultó Gil-Vernet ac hec en 11au lòc. Eth dimenge en SL U14 Alfonso Cubillo artenhec un destacat 6au lòc, e Victor Bultó era 12au posicion.

Pera sua part, Jan Jorge Berge e Guillermo Meire García deth Club CEVA participèren ena X edicion dera Copa Pyrénéus, en tot arténher era 19au posicion de Jan Jorge e eth 27au lòc de Guillermo Meire en GS U14+U16 masculin disputat eth dissabte.

Tanben eth dimenge es corredors deth Club CEVA, participèren en 14 Trofèu Espot Esquí de Interclubs que Jaime Andiaz Aguirrezabal artenhec eth 11au lòc en U14 e Bosco Anabitarte Alonso de Cid era 19au posicion. Pera sua part Ignacio Arrieta Baranca artenhec era 2au posicion en U18 e Iker Rodríguez Elosegui siguec 2au en categoria U21.

En d’aute orde de causes, destacar eth torn as entrenaments de Gaizka Loiola que dempús de superar ua longa lesion que l’auec aluenhat des pistes era darrèra sason a començat a entrenar-se damb eth sòn guida Dani Gavaldà. Des deth Club CEVA les desiram fòrça sòrt e fòrça succèssi entad aguesta sason que comence.

Info e fotos: Club CEVA