• En 15 dies er os a atacat dus viatges en Bagergue en tot sautar era embarra deth ramat de oelhes.

• Era embarra possiblaments se trinquèc pes madeishes oelhes dauant era preséncia der os.

Dempús des dus atacs der os en Bagergue en 15 dies, eth Conselh Generau d’Aran a trauès deth Departament d’Agricultura, Ramaderia e Medi Naturau d’Aran activarà en brèu eth protocòu d’intervencion es casi d’ossi damb comportament atipic.

En aguest cas, er os non arribe ath lindar deth que se considère tecnicaments “os condicionat”, ei a díder er os assòcie aliments damb installacions umanes.

Eth Govèrn d’Aran aplicarà mesures de condicionament aversiu, mejançant preséncia umana e dissuasion acostica entà evitar qu’er os arribe a èster un animau condicionat.

Tanben s’a melhorat era proteccion des installacions dera explotacion ramadèra.

Vielha, 4 de mai de 2016

Conselh Generau d’Aran: Núria Sanjuan