Er acte qu’a agut lòc en Musèu dera Noguera de Balaguer, a estat presidit peth conselhèr de Cultura dera Generalitat Santi Vila

Vielha, 6 de mai de 2016.- Aguest diuendres s’a constituït en Musèu dera Noguera de Balaguer, eth Hilat Territoriau de Musèus des Tèrres de Lhèida e Aran. Ar acte, qu’a presidit eth conselhèr de Cultura dera Generalitat, Santi Vila, a assistit en representacion deth Govèrn d’Aran, eth vicesindic Luís Carlos Medina.

Eth Hilat Territoriau de Musèus des Tèrres de Lhèida e Aran, nèish a compdar deth convèni signat entre eth Departament de Cultura dera Generalitat, era Deputacion de Lhèida e es dètz musèus des comarques de Lhèida e dera Val d’Aran, damb er objectiu de garantir era preservacion e era difusion der auviatge mòble de Catalonha e ath madeish temps resòlver desequilibris territoriaus. Pendent es pròplèus ans, es principaus rèptes d’aguest nau hilat museistica seràn, incrementar eth nombre de visitants as musèus e estimular era coneishença, era promocion e era dinamizacion deth territòri a traués der auviatge materiau e immateriau. Entà amiar a tèrme aguesti objectius, Eth Hilat Territoriau de Musèus des Tèrres de Lhèida e Aran, compdarà damb un pressupòst de 120.000 èuros pendent er an 2016.

Eth Hilat Territoriau de Musèus des Tèrres de Lhèida e Aran, ei format peth Musèu dera Val d’Aran, eth Musèu dera Noguera, eth Musèu Comarcau de Cervera, eth Ecomusèu des Valls d’Àneu, eth Musèu dera Conca, eth Musèu d’Art Jaume Morera, eth Musèu Diocesà e Comarcau de Lhèida, eth Museu Diocesà d’Urgelh, eth Musèu Diocesà e Comarcau de Solsona e eth Musèu der Urgelh.

Eth Hilat Territoriau de Musèus des Tèrres de Lhèida e Aran, a de servir tanben entà articular accions acordades per consensus entre es desparièrs musèus que la intègren.

Hònt: Ajuntament de Balaguer