Musèus dera Val d’Aran. Oraris Ostiu 2016

junhsèga 8, 2016 Govèrn

sant miquèu

 

A compdar deth deluns, 11 de junhsèga, començarà era tempsada culturau d‘ostiu de Musèus dera Val d‘Aran 2016 que durarà enquiath dia 11 de seteme.

Es oraris de dubertura des desparièrs musèus gestionadi per Musèus dera Val d’Aran seràn:

  • Musèu dera Val d’Aran, en Vielha, de deluns a dimenge de 10:00 a 13:00 ores e de 17:00 a 20:00 ores.
  • Fabrica dera Lan, tanben en Vielha, tamb dubertura diadèra de 17:00 a 20:00 ores.
  • Ecomusèu Çò de Joanchiquet, en Vilamòs, dubèrt diadèrament d´ 11:00 a 14:00 ores e de 16:00 a 19:00 ores.
  • Sala d’exposicions temporaus dera glèisa de Sant Joan d´Arties, duberta de deluns a dissabte de 17:00 a 21:00 ores a on se i pòt veir era exposicion Istòria grafica d’Aran.
  • Mòla de Salardú, dubèrta diadèrament d´11:00 a 14:00 ores.
  • Mina Victòria en Arres que pendent aguest periòde daurirà cada dia d´11:00 a 15:00 ores.

 

minas

 

D’auti musèus a visitar seràn eth Musèu dera Nhèu en Unha; eth PyrenMuseu en Salardú; eth Musèu Eth Corrau en Bagergue. Coma nauetat, enguan, a compdar deth 24 de junhsèga, tanben se poirà visitar eth Petit Musèu dera Escòla. Es interessadi en visitar-lo s’auràn de dirigir ar Archiu Generau d´Aran, ena Casa deth Senhor d’Arròs, tel. 973 64 25 69.

 

cap d'aran

 

Per un aute costat, era Rota Romanica d´Aran que pendent aguest madeish periòde permet conéisher eth ric patrimòni artistic que sauven es nòstes glèises, tanben aufrís nauetats en tot daurir, enguan un totau de 7 glèises damb visita guidada, e era incorporacion des glèises d’Escunhau, Bagergue e Betren. Es oraris de visita d’aguestes glèises son:

  • Santa Maria d´Arties, de deluns a dissabte visites entàs 11:00, 12:00 e 13:00 ores e entàs 17:00, 18:00 e 19:00 ores.
  • Santa Eulària d’Unha, de deluns a dissabte visites entàs 17:00, 18:00 e 19:00 ores e de deluns a dimèrcles visites entàs 11:00, 12:00 e 13:00 ores.
  • Santa Maria de Cap d’Aran, en Tredòs, de deluns a dissabte visites entàs 11:00, 12:00 e 13:00 ores.
  • Sant Fèlix de Vilac, de deluns a dissabte visites entàs 17:00, 18:00 e 19:00 ores.
  • Sant Pèir d’Escunhau, toti es dijaus visites entàs 11:00, 12:00 e 13:00 ores.
  • Sant Fèlix de Bagergue, toti es diuendres visites entàs 11:00, 12:00 e 13:00 ores.
  • Sant Estèue de Betren, toti es dissabtes visites entàs 11:00, 12:00 e 13:00 ores.

Tanben serà possible visitar d’autes glèises de notable interès artistic e istoric, coma Era Mair de Diu dera Purificacion de Bossòst, Sant Miquèu de Vielha, Sant Andrèu de Salardú, Santa Maria de Vilamòs e Sant Blas e Sant Joan en Les, que seràn dubèrtes sense servici de guida.

Ua auta nauetat son es desparieres activitats qu‘auem premanit:

  • “Desvelha es tòns sens. Es secrets des plantes medicinaus”, un talhèr adreçat ath public familiar que deth 18 de junhsèga enquiar 11 de seteme aurà lòc en Ecomusèu Çò de Joanchiquet de Vilamòs, cada dimars, de 16:30 a 18:00 ores, e diuendres, de 12:00 a 13:00 ores.
  • Visita guidada ar Ecomusèu çò de Joanchiquet de Vilamòs. Aurà lòc deth 18 de junhsèga enquiar 11 de seteme toti es dimèrcles entàs 12:00 ores.
  • Val d’Aran en familha, dus jòcs de pistes a descurbir pès familhes que visiten es nòsti musèus o es glèises dera Rota Romanica d’Aran ath long dera tempsada d’ostiu.

Coma vedetz ua variada e divertida aufèrta entà hèr a gaudir as nòsti visitaires en tot dar-les a conéisher eth ric patrimòni culturau dera Val d‘Aran.

 

Mès informacion:

Musèus dera Val d’Aran
Tel. 973 641 815
C/ Major, 26
25530 Vielha
info.museu@aran.org

 

 

Vielha, 8 de junhsèga de 2016

 

Conselh Generau d’Aran: Núria Sanjuan

Hònt: Musèus dera Val d’Aran 

Comments are closed.