Santi Vila, acompanhat peth sindic d’Aran, Carlos Barrera, a presentat ena sedença deth Conselh Generau d’Aran, “Un moment fundacionau: visions des deth reformisme modèrn”, un libre a on er actuau conseller de Cultura deth Govern dera Generalitat de Catalonha parle sus eth passat, eth present e, sustot, eth futur, e i met es sòns punts d’enguarda sus era politica, era corrupcion, era societat o era cultura, damb era sua experiéncia coma baile de Figueres e coma conseller de Territòri.

“En aguest libre expausi era mia vision dera societat actuau, deth país e dera politica, damb era experiéncia coma baile de Figueres e conseller de Territòri e ara de Cultura dera Generalitat damb viuéncies mès personaus e anecdòtes illustratiues. Hèsqui ua prepausa de refondacion qu’ei pragmatica e ath madeish temps espirituau. Un moment fundacionau ei, coma ditz eth sostitòl, ua apòsta de reforma hèta des der optimisme, mès en tot evitar quinsevolh temptacion messianica e utopica, pr’amor qu’era realitat ei infinitament melhor qu’era ficcion” a manifestat Santi Vila.

Vielha, 26 d’agost de 2016

Conselh Generau d’Aran: Núria Sanjuan