Eth passat diuendres, dia 26 d’agost, se detectèc fauta de cabau d’aigua en un petit tram der arriu Toran, aigües enjós dera presa de Sant Joan de Toran (Barratge de Barrier).

Eth Govèrn d’Aran se metec en contacte damb Endesa Generación que restablic aguest cabau controtlat dera coronacion dera presa. Era solucion definitiva passe pera installacion d’ua valvula e un petit tram damb tuèu qu’a de perméter era existéncia deth cabau ecologic continu en aguest tram.

Ua auta situacion excepcionau s’a produsit en arriu Valarties ara nautada deth Pònt de Ressec en un tram qu’acumulèc granes quantitats de graua arraïtz des aiguats der an 2013. Aguestes graues an absorbit era totalitat deth cabau d’aigua en aguest tram. Eth Govèrn d’Aran tanben informèc a Endesa Generación e a programat daurir es valvules der Estanh Mar entà pr’amor qu’era presa de Restanca pogue baishar de forma controtlada e hèr ua major aportacion d’aigua ar arriu Valarties en aguest tram der arriu Valarties a on s’a produsit aguest fenomèn excepcionau coma conseqüéncia dera sequèra d’aguest ostiu.

Vielha, 30 d’agost de 2016

Conselh Generau d’Aran: Núria Sanjuan