Eth Departament de Cultura deth Conselh Generau a trauès dera empresa Servicis Ambientaus dera Val d’Aran (SAVA, S.L.) e damb era collaboracion dera Deputacion de Lleida a recuperat eth lauader plaçat en Camin Reiau entre Es Bòrdes e eth Pònt d’Arró damb er objectiu de hèr atractiu e visitable un equipament caracteristic e significatiu deth patrimòni tradicionau des pòbles dera Val d’Aran.

Segontes a informat era tecnica de Patrimòni d’Aran, Elisa Ros, i an mès de 32 lauaders, aumens un per pòble, en tot auer present que quauqu’un dejà a desapareishut. Era màger part d’aguesti equipaments son de finaus deth sègle XIX e principis deth XX.

En paraules deth sindic d’Aran, Carlos Barrera, “eth Govèrn d’Aran vò méter en valor eth lauader d’Es Bòrdes en tot rehèr-lo e conservant era sua forma originau entà poder hèr tanben un profitament toristic, ath temps que se convèrve un des elements mès destacats deth patrimòni civil e sociau aranés”.

Vielha, 15 d’octobre de 2016

Conselh Generau d’Aran: Núria Sanjuan