• Era pista cyclable connectarà era Val d’Aran damb França (Toulouse), en tot passar per Comminges.

Eth conselhèr de Territòri d’Aran, Jose A. Boya, e eth president deth Conseil départamental dera Haute- Garonne, Georges Méric, an signat un acòrd entath projècte europèu comun dera pista cyclable “TransGarona”.

Eth finançament deth projècte serà comun laguens deth Programa Operacionau de Cooperacion Territoriau Espanha França Andòrra 2014-2020 (INTERREG-POCTEFA), entara realizacion de 28 Km que connècten es dus territòris (Val d’Aran e Fronsac), en tot obtier contunhitat ath circuit cyclable enquia Toulouse.

Eth còst estimat d’aguest itinerari ei de 3,5 milions d’èuros, repartidi dera següenta manèra: 1 milion d’èuros (subvencionat 65%) entara part espanhòla (connexion entre Val d’Aran e termièra) e 2,5 milions d’èuros entara part haut-garonnoise (connexion entre Fos e Fronsac).

Era ajuda europèa pujarà a un 65% des 3,5 milions d’èuros.

Eth plan provisionau actuau preve era finalizacion des trabalhs entad an 2021.

En paraules deth conselhèr de Territòri d’Aran, Jose A. Boya: “Çò que cercam des deth Govèrn d’Aran ei ua rota ciclista naturau per arriu Garona facil e familhar. Ath delà, auem contactes entà alongar era pista cyclable enquia Catalonha a long termini”.

Vielha, 18 de noveme de 2016

Conselh Generau d’Aran: Núria Sanjuan