Vielha, 2 de març de 2017.- Era conselhèra d’Agricultura, Ramaderia, Pesca e Alimentacion, Meritxell Serret a visitat era Val d’Aran, a on a estat arrecebuda en Conselh Generau d’Aran pes conselhèrs de Territòri, José Antonio Boya e d’Agricultura, Ramaderia e Miei Naturau, José Enrique Arró.

Era conselhèra a explicat qu’eth motiu d’aguesta prumèra visita ena Val d’Aran, ei conéisher de prumèra man iniciatiues de desvolopament rurau dera Val d’Aran e tanben explorar linhes de trabalh conjuntes damb eth Conselh Generau d’Aran, entà favorir eth sector primari e que cada viatge age mès gent joena que se volgue incorporar ara activitat agrària e pagesa.

Serret, soslinhèc que tant eth sòn departament coma eth Govèrn d’Aran, ja collabòren en apiejar iniciatiues entà diversificar era economia e que se genèren mès negòcis e lòcs de trabalh religats damb eth prumèr sector.

Dempús dera visita institucionau ath Conselh Generau d’Aran, era conselhèra Meritxell Serret, acompanhada des conselhèrs Boya e Arró, a visitat es installacions de tres explotacions dera Val d’Aran coma son, era explotacion Albert Boya, Caviar Nacarii e es installacions dera Hormatgeria Dera Irissa.

fotos: Departament Agricultura