Eth dimars 21 de març eth Musèu dera Val d’Aran celebrarà era tresaua edicion deth Dia Internacionau dera Poesia, ua serada poetica qu’enguan aurà coma tèma centrau era gastronomia. Ua tematica ath torn dera quau viraràn es diuèrses activitats qu’ath long der an organizarà eth Musèu dera Val d’Aran e damb es quaus se vòlen méter en valor era gastronomia tradicionau, mès tanben d’innovacion, ena Val d’Aran.

Era serada sera compausada per ua brèu introduccion sus era alimentacion dera Val d’Aran en s.XVII e un recitau de poesia gastronomica acompanhat de pèces musicaus tradicionaus.

Eth Musèu dera Val d’Aran entara organizacion d’aguesta serada a compdat damb era collaboracion der Archiu Generau d’Aran, er Airau de Politica Lingüistica deth Conselh Generau d’Aran, es bibliotèques municipaus de Vielha e Naut Aran, atau com dera Escòla Musicau Val d’Aran e dera Escòla Tchaikovsky. Frut d’aguesta collaboracion auem premanit un repèrtori poeticogastronomic fòrça suculent entà lecar-mos es dits.

Era acte aurà lòc ena recepcion deth Musèu dera Val d’Aran, eth dimars 21 de març, entàs 22:00 ores.

Vos convidam a toti a vier e degustar cada un des plats poetics premanits.

Vielha, 17 de març de 2017

Conselh Generau d’Aran: Núria Sanjuan

Hònt: Musèu dera Val d’Aran