Eth Conselh Generau d’Aran recupère eth Camin Reiau en Vilamòs e Es Bòrdes.

Eth Conselh Generau d’Aran, per miei dera empresa Servicis Ambientaus dera Val d’Aran (SAVA S.L.), daurirà a compdar de deman dissabte, 8 d’abriu, es pistes forestaus d’accès as paratges naturaus mès emblematics dera Val d’Aran:

– Pista dera Artiga de Lin: dubèrta ena sua totalitat
– Pista que enquia Varradòs: sonque ei dubèrta de Pònt d’Arròs enquiath creuament de Sant Joan d’Arròs damb Vila, a partir d’aquiu enquiath Saut deth Pish ei barrat.

Pendent era setmana se demore daurir :

– Aiguamòg enquia es Banhs de Tredòs

Rebrembam qu’eth Conselh Generau d’Aran per miei dera empresa Barba S.L., a realizat ua seria d’accions damb er objectiu de recuperar eth tram deth Camin Reiau enes tèrmes municipaus de Vilamòs e d’Es Bòrdes afectada pes aiguats der an 2013.

Eth Conselh Generau d’Aran a destinat ad aguest projècte 385.000 €, provenenti des subvencions finançades a 50% peth Govèrn dera Generalitat de Catalonha e era enterpresa Endesa entara restitucion des desperfectes que provoquèren es aiguats ena Val d’Aran.

Era accion a consistit ena segurizacion dera esculhèra d’Es Bòrdes, ath delà des òbres d’apariament e proteccion deth marge esquèr der arriu Garona e entà rehèr eth tram de Camin Reiau enes tèrmes de Vilamòs e Es Bòrdes. En totau s’an transportat mès de 27.000 mètros cubics de pèira.

Vielha, 7 d’abriu de 2017

Conselh Generau d’Aran: Núria Sanjuan