Laguens deth programa de mesures de supòrt ath sector ramadèr, es dies 19, 20 e 21 d’abriu se desplacèren tara Val d’Aran es tecnics d’ua empresa dedicada ar assessorament agricòla e ramadèr entà realizar era Declaracion Unica Agrària (DUN) 2017.

Des dera sedença deth Conselh Generau d’Aran, a trauès deth sòn Departament d’Agricultura, Ramaderia e Medi Naturau, s’an atengut ath 97% des ramadèrs que solliciten es ajudes dera Politica Agrària Comunitària a trauès dera DUN 2017 ena Val d’Aran.

Eth Conselh Generau d’Aran a collaborat damb un cofinançament deth 70% der impòrt totau dera realizacion des sollicituds.

Era Declaracion Unica Agrària (DUN) ei ua declaracion annau obligatòria qu’a de realizar era persona titulara dera explotacion ramadèra plaçada en Catalonha.

A d’includir era totalitat dera superfícia agrària, forestau e improductiva, d’acòrd damb eth SIGPAC, atau coma es donades de ramaderia que hèsquen part dera explotacion.

Es sollicituds d’ajudes s’an de presentar abans deth 15 de mai deth 2017 e es modificacions enquiath 31 de mai deth 2017.

Vielha, 28 d’abriu de 2017

Conselh Generau d’Aran: Núria Sanjuan