Vielha, 6 de juriòl de 2017.- Eth passat 4 de juriòl representants deth Conselh Generau d’Aran assistiren ara reunion deth Parc National régional du Vercors, en Grenòble.

Eth motiu dera preséncia en dita reünion ei era exposicion de motius entà justificar era reintroduccion dera gariòla, un audèth preexistent en territòri aranés e que desapareishec per diuèrsi motius.

Per part francesa, ena reünion participèren representants elegidi deth territòri, representants deth Ministèri deth Territòri, de l’Office national des Fôrets, Office national de Chasse, representantes d’entitats ecologistes e conservacionistes.

Pera part aranesa, ena reünion an participat representants e tecnics deth Conselh Generau d’Aran, atau coma representants des dues societats de caça e pesca dera Val d’Aran, e representants elegidi des entitats locaus dera Val d’Aran.

Eth responsable de Miei Naturau deth Conselh Generau, Ivan Afonso, exposèc pendent era amassada es motius tecnics e mieiambientaus que justifiquen aguesta reintroduccion, en tot remercar es bones condicions naturaus d’Aran entà arténher era reintroduccion d’aguesta gallinácea, fòrça pròplèu as perditz, espècia presenta en tota era Val.

Es representants francesi incidiren pera sua part enes garantíes d’aguesta reintroduccion en tot auer en compde es diferéncies entre es reglamentacions franceses e espanhòles.