Vielha, 9 d’octobre de 2017.- Er Institut Cartografic e Geologic de Catalonha (ICGC), er Institut d’Estudis Andorrans (IEA), er Observatòri dera Sostenibilitat d’Andòrra, eth Servici Meteorologic de Catalonha e eth Conselh Generau d’Aran, damb era preséncia de Jose Antonio Boya, a trauès deth Centre de Prediccion de Lauegi dera Val d’Aran, organizen entre eth 9 e eth 11 d’octobre es Vaus Jornades Tecniques de nhèu e lauegi (Pyrenean Symposium on Snow and Avalanches), qu’en aguesta 5au edicion se celèbren en Andòrra Congrés Centre dera poblacion d’Òrdino (Andòrra).
Es anteriores edicions des jornades tecniques de nhèu e lauegi, se celebrèren en Barcelona (2) e ena Val d’Aran (2).
Aguestes jornades son un punt d’amassada d’aqueres persones que, tant particulara coma profesionalment, son interessades en mon dera nhèu e des lauegi. Es jornades d’enguan s’estructuraràn enes blòcs tematics següents:
- Meteorologia de montanha.
- Nhèu e recorsi idriqui.
- Cambi climatic.
- Prediccion de lauegi.
- Cartografia de lauegi.
- Dinamica de lauegi.
- Prevencion e proteccion.
- Seguretat en activitats de montanha.
- Divulgacion.
Es jornades constaràn de conferéncies convidades, presentacions oraus e pannèus. S’includirà un espaci d’exposicion entà enterpreses e institucions damb activitats religades damb era tematica des jornades.
Laguens des conferéncies destaque era de Montse Bacardit, sus “Capes fèbles persistentes: cronica e leçons aprenudes deth principau problèma de lauegi ena Val d’Aran era sason 2016-2017”, e era taula redona damb era participacion de Aymar Navarro, Iñigo Ayllón, Francisco Poujarniscle, Carlos García e Ivan Moner, dubèrta ath public, damb professionaus der àmbit dera prediccion de lauegi, guides de montanha e esportistes.
Eth darrèr dia se visitaràn sus eth terren diuèrsi lòcs d’interès dera parròquia d’Òrdino resligadi damb era tematica des jornades.
Entà mès informacion, se pòt consultar era pagina web des jornades de 2017: www.snowandavalanches.ad
