Vielha, 6 de noveme de 2017.- Eth pròplèu dimèrcles 15 de noveme eth CEI Val d’Aran, en collaboracion damb GlobaLleida e era Deputacion de Lhèida, aufrís ua naua session de capsules formatiues gratuïtes.

Aguest viatge es capsules tractaràn sus coma identificar e conéisher es contractes bancaris; e sus prevencion dera morositat a trauès des mejans de pagament de credit. Totes dues capsules seràn impartides per Marta Montserrat Aragonés, expèrta en Dret Mercantil, Dret Privat damb especiau consideracion deth Dret de Familha e Dret des Hemnes, atau coma deth Dret Laborau.

Er orari des capsules serà:

“Identifica e coneish es contractes bancaris”, 15 de noveme des 10:00 as 12:00 ores. “Prevencion dera morositat a trauès des mieis de pagament de credit”, 15 de noveme des 12:00 as 14:00 ores.

Es capsules auran lòc en CEI Val d’Aran Plaça Naua, 1 de Casau. Son dubèrtes a toti as que pogue interessar, que se pòden inscríuer en ceivaldaran@aran.org o per telefòn en 973 64 18 01.

Tota era informacion en www.ceivaldaran.org