Vielha, 16 de noveme de 2017.- Eth Conselh Generau d’Aran a trauès d’ETEVA (Escòla de Tecnics Esportius dera Val d’Aran), aufrís eth cors “Interpretacion e Educacion Ambientau”. Eth cors ei subvencionat peth SOC (Servei d’Ocupació de Catalunya) e ei gratuït entàs escolans.

Eth cors se compause de quate moduls teorics-practics e un modul de practiques ena enterpresa. Es escolans que finalizen tota era formacion poderàn sollicitar era expedicion deth corresponent Certificat de professionalitat. Era matricula parciau per moduls tanben ei possible en cas que i agen places disponibles.

Es requisits entà poder accedir ath cors son:

-Auer títol de Batxiller, equivalent o superior (eth cas contrari calerà hèr ua pròva de nivèu).
-Èster arturat e inscrit enes burèus deth SOC (podetz anar-i des 8.30 enquias 14.00 ores e portar eth DNI).

Es contenguts deth cors son:

-Activitats d’orientacion e desvolopament en miei (100 ores).
-Estructura e dinamica deth miei ambient (100 ores).
-Activitats umanes e problematiques ambientaus (100 ores).
-Programes d’educacion ambientau (120 ores).
-Practiques professionaus (80 ores).

Eth cors s’iniciarà en abriu de 2018 e finalizarà eth mes d’octobre.
Es inscripcions e era matricula les cau formalizar abantes deth dia 22 de noveme de 2017. Es places son limitades.

Entà mès informacion vos podetz adreçar a nuria@eteva.org o ath 973644595