Vielha, 12 de gèr de 2018.- Eth Conselh Generau d’Aran a hèt publica aguesta setmana era licitacion dera prumèra fasa des òbres de melhora dera carretèra d’accès a Mont e Montcorbau.

Eth Conselh Generau d’Aran destine 264.468€ ad aguesta prumèra fasa de melhora dera carretèra en tram que va des dera rotonda de Vilac tara N-230 enquiath horcadís der accès a Mont.

Es òbres consistiràn en aishamplament deth vial que gesserà des dera madeisha rotonda de Vilac e er aishamplament dera carretèra enquiath horcadís deth pòble de Mont, pr’amor qu’en aguest punt era carretèra presente eth traçat e es amplades originaus, damb ues condicions de servici que non son adaptades as besonhs de mobilitat existenta actuauments.

DCIM/101MEDIA/DJI_0127.JPG