Vielha, 16 de març de 2018.- Eth Govèrn d’Aran a trauès deth departament d’Agricultura, Ramaderia e Miei naturau subvencione era Agropacion de Defensa Sanitària d’Ovin-Crabum e era Associacion de criadors deth shivau de raça “Shivau Pirenenc Catalan”, de criadors de bestiar ovin, bovin e shivaus dera Val d’Aran, laguens des ajudes entath Desvolopament Agropecuari d’Aran.

Es subvencions, per un impòrt de 15.000€ entà cadua des associacions, son entà ajudar en manteniment des condicions tecniques e sanitàries des explotacions pageses existentes, entà finançar era prestacion des servicis veterinaris, corsi de formacion, assisténcia a hèires, identificacion des animaus e tractament veterinari.

Eth conselhèr d’Agricultura, Ramaderia e Miei Naturau d’Aran, José Enrique Arrò, a explicat que d’aguesta manèra eth Conselh Generau d’Aran contribuís a da supòrt ath desvolopament e conservacion dera profession agropecuària ena Val d’Aran.