Vielha, 16 d’agost de 2018.- Era hèira d’artesania dera Val d’Aran “Hèt a man, hèt aciu”, que se celèbre deth 16 ath 19 d’agost en Passeg dera Libertat de Vielha, prepause diferentes activitats restacades damb eth mon dera artesania enes que i poderàn participar toti es assistents.

Es visitants ara hèira poderàn apropar-se as estands entà crompar es diferenti productes e, ath delà, grani e petiti poderàn gaudir des talhèrs e demostracions.

Diuendres dia 17 d’agost de 11:30 a 13:00 ores “Pinta-te era cara” a cargue de Kris Nart (gratuït). De 17:00 a 18:30 ores, elaboracion deth tòn sac aromàtic “Dormís ben” a cargue de Gemma Llobet. De 19:00 a 20:30 ores, talhèr de reciclatge a cargue de Dwayna Artesania.

Dissabte 18 d’agost de 17:00 a 18:30 ores elaboracion deth tòn joguet giratori a cargue de Baobab Artesania. De 19:00 a 20:30 ores decora e pinta era tua cara a cargue d’Olga Zubatii (gratuït).

Eth maximau de persones participaires per talhèr ei de 15 e eth prètz entà participar-i ei de 2€, a excepcion des talhèrs gratuïts.

Enquia 26 mestieraus participen enguan ena hèira qu’organize eth Conselh Generau d’Aran damb era collaboracion dera Deputacion de Lhèida, Foment Torisme Val d’Aran, er Ajuntament de Vielha e Mijaran, era Associacion d’Artesans e Artistes dera Val d’Aran, productors dera mèrca de garantia “Productes dera Val d’Aran” e era Associacion de Cases de Pagés ena Val d’Aran.