Vielha, 13 de seteme de 2018.- Eth vicesindic d’Aran Luís Carlos Medina, presentèc eth passat 7 de seteme en Conselh Generau d’Aran era convocatòria des ajudes LEADER 2018 dirigides as microenterpreses, petites e mejanes enterpreses dera Val d’Aran, que se ne poderàn beneficiar toti es particulars interessadi en impulsar un projècte empresariau generador d’activitat economica, atau coma es ajuntaments dera Val d’Aran.

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, a seleccionat 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau (PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microenterpreses, foment d’activitats toristiques, e conservacion e melhora der auviatge rurau.

Es persones interessades pòden informar-se sus es ajudes en Conselh Generau d’Aran en tot demanar ora damb Judit Jaquet: j.jaquet@aran.org o ath tel. 973 64 18 01.

Trobaràtz mès informacion en: http://www.leaderpirineuoccidental.cat/ajuts-leader/documentacio-i-descarregues/