Vielha, 17 de seteme de 2018.- Eth dimenge 16 de seteme ena missa dominicau e damb motiu dera Hèsta dera Exaltacion dera Santa Crèu a auut lòc ena glèisa de Sant Joan Baptista era benediccion e entronización deth Sant Crist de Les. Ei aguesta ua creación, ua talha de Crist de 1,20 m. de nautada sus un damasquinat molurat (bordèus e òr vielh) de 2,65 m x 1,45 m. òbra der escultor –policromador alavés Antonio Fernández de Ortega e García de Acilu.

Un projècte que dempús de nau mesi a anat madurant gràcies ara iniciatiua desvelhada per Maria Pilar Rodríguez, vesía de Les, e amiat e coordinat per Jèp de Montoya, assessor en Cultura e Patrimòni deth Conselh Generau d’Aran.

A presidit era cellebracion dera Eucaristia Mn. Joseph Geethanfonkalan, titular dera Parroquia de Sant Joan Baptista de Les e des glèises deth Baish Aran.

An estat presentes es autoritats civils, er alcalde de Les Sr. Emilio Medan, eth conselhèr de Territòri d’Aran, Sr. José Antonio Boya e eth president der Institut d’ Estudis Aranesi – Acadèmia aranesa dera lengua occitana, Sr. Jusèp Loís Sans.

Tanben an estat presents grana quantitat de feligressi dera Parròquia atau coma de d’auti pòbles. Era financiacion dera imatge a estat possibla gràcies ath mecenatge des fidèls.