Era licéncia de pesca recreativa Aranesa se pòt obtier en Conselh Generau d’Aran o ena web a trauès deth link http://licenciapesca.conselharan.org  

Vielha, 25 de març de 2019.- Eth Conselh de Govèrn deth Conselh Generau d’Aran, en session ordinària de 18 de març, aprovèc eth Plan Especific de Pesca dera Val d’Aran entara tempsada 2019.

Er edicte establis er inici dera sason aguest dimenge 24 de març enes zònes considerades baisha montanha, açò includis, tot er arriu Garona desde Baqueira enquira termièra, era Presa d’Aiguamòg, era Bassa d’Oles e es arrius Nère, Casau, Varrados, Joèu, Sorieus, Margalida, Bausen, Toran e Carlac.

En cas des zones considerades nauta montanha era sason comence eth dia 1 de mai e includis es seguents arrius, Ruda, Malo, Aiguamòg, Unhola, Valarties, Rencules, Bargadera, Noguera Ribagorçana e Noguera Pallaresa.

Per çò qu’ei as lacs de nauta montaña era sason comence er 1 de junh, aço includis era majoria des lacs presents ena Val d’Aran.

En totau era Val d’Aran aufrís 47 km de trams de pesca sense mort, 125 damb mort e 18 zones lacustres damb mès de 65 lacs pescables.

Referent ath numèro de captures cau remarcar era aumentacion de 6 a 8 en cas des afluents e era Presa d’Aigumòg.

Era tempsada s’alongue enquiath 15 d’octobre entà es sense mòrt de tot er arriu Garona.

Licéncia de pesca Aranesa

Cau arrebrembar era aprobación dera Ordenança reguladora dera “Taxa entara expedición de permisi, licéncies e concorsi de pesca recreativa ena Val d’Aran aprobada eth 28 de gèr de 2019. Pera quau se cree era licéncia de pesca recreativa Aranesa.

Era licéncia de pesca recreativa Aranesa se pòt obtier en Conselh Generau d’Aran o ena web deth madeish Conselh a trauès deth link http://licenciapesca.conselharan.org.

Plan especific de pesca dera Val d’Aran entara tempsada 2019: https://bop.diputaciolleida.cat/faces/consultaF/servlets/donarEdicte/?id=2019_59_2133

Fotos: Societat de Caça e Pesca dera Val d’Aran