Vielha, 17 d’abriu de 2019.- Eth Conselh Generau d’Aran coma cada an en aguestes dates de Setmana Santa a daurit eth pas d’accès ara Ribèra dera Artiga de Lin, concrètaments enquias Uelhs deth Joeu. En çò que tanh ara zòna des Plans dera Artiga se pòt accedir en tot caminar.

Entà accedir ad aguesti paratges a estat de besonh daurir eth pas des lauegi existents.

Foto: Laueg de Sa Tronca

Tanben an demorat dauridi ara circulacion er accès ara Bassa d’Oles, ath Bòsc de Varicauba e as Banhs de Tredòs.

Er accès ara pista de Varradòs, demorarà barrat ara circulacion per motiu des òbres d’estabilizacion de melhora deth tram comprenut entre Sant Joan e Vilamós.

Eth rèste dera pista enquiath Saut deth Pish se tròbe en situacion naturau dempús der iuèrn, ei a díder qu’era pista ei talhada pes lauegi que s’an produsit pendent era sason iuernau.

Artiga de Lin