Vielha, 6 de mai de 2019.- Eth pròplèu dijaus 30 de mai eth CEI Val d’Aran organize dues naues cápsules formatives gratuïtes laguens eth cicle Dijaus Emprenedors sus “Fotografia damb mòbil entà Instagram” e “Estratègies de marqueting digitau en Instagram”.

Es cápsules anaràn a cargue de Xavier Mitjana Agustí, Graduat en Comunicacion e Jornalisme Audiovisuau e director de projèctes de Becommo agéncia de dessenh estrategic e comunicacion.

Era cápsula Fotografia damb mòbil entà Instagram, serà de 10.00 a 12.00 ores, e era dusau Estratègies de marqueting digitau en Instagram serà de 12.00 a 14.00 ores.

Es capsules formatives s’impartissen en CEI Val d’Aran de Casau, Plaça Naua, 1, e son organizades peth madeish CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Enterpresa e Aucupacion dera Generalitat de Catalonha, Catalonha Empren e eth Hons Sociau Europèu.

Es inscripcions entà participar en aguestes capsules formatives se pòden formalizar ena web www.ceivaldaran.org o en ligam corresponent dera web deth Conselh Generau d’Aran www.aran.org e tanben en tot trucar ath telf. 973 64 18 01.

Es capsules deth CEI Val d’Aran son gratuïtes e s’adrecen a totes es persones o enterpreses interessades en agranir era sua formacion. Totes es persones inscrites auràn de portar eth DNI, NIE o fotocòpia deth document.