Eth programa de trebalh e formacion a coma objectiu favorir era contractacion de persones en situacion de caumatge a trauès deth supòrt as entitats, pr’amor qu’amien a tèrme accions d’experiéncia laborau, de formacion, de coordinacion e de supòrt tecnic.
Se concrète en ua subvencion qu’establís tres linhes de finançament:
•Linha A: Accions d’experiéncia laborau e accions de formacion, adreçada a persones en situacion de caumatge non perceptores de prestacion e/o subsidi per desocupacion, preferentaments mès granes de 45 ans (PANP)
•Linha B: Accions d’experiéncia laborau e accions de formacion, adreçada a persones en situacion de caumatge beneficiàries dera Renda Minima d’Insercion (PRMI)
•Linha C: Accions de coordinacion e supòrt tecnic.
En marc deth programa de Garantia Juvenila en Catalonha, eth SOC incentive era contractacion en practiques de joeni damb formacion entà melhorar era sua ocupabilitat damb er aqueriment des aptituds e es competéncies derivades dera practica laborau e afavorir d’aguesta manèra, era sua incorporacion en mercat laborau de forma establa e duradora en temps.