• Entà evitar eth risc de contagi deth COVID-19 serà obligatòri seguir ues condicions especifiques 

Pr’amor qu’eth Conselh Generau d’Aran ei era unica entitat en Aran qu’emet certificats digitaus e, en tot èster conscients des dificultats qu’er estat d’alarma supause entàs trabalhadors/es autonòms, eth govèrn d’Aran a decidit daurir de manèra excepcionau era sua sedença administrativa entara realizacion presenciau deth tramit d’emission des certificats idCat entà autonòms/es jos es següentes condicions:

1. A compdar de deman, dimars 14 d’abriu, tota persona interessada aurà de demanar cita prèvia en 973 64 18 01 e facilitar es sues donades entà agilizar es tramits.
2. Se daràn ores de 08:00 a 14:00 ores, separades entre eres cada per 20 menutes.
3. Sonque s’atierà a qui compde damb aguesta cita prèvia e sonque entath tramit d’emission der idCat.
4. Serà obligatòri er us de mascareta entà amiar a tèrme eth tramit.
5. S’accedirà ara sedença deth Conselh Generau d’Aran individuaument. Ei totaument proïbit accedir acompanhat.
6. En entrar, serà obligatòri meter-se es guants d’un solet usatge que i aurà ena entrada e lançar-les ena gessuda en ua lordèra plaçada ena pòrta.