• Dempús de mès de dus mesi de suspension pr’amor dera crisi deth COVID-19, eth govèrn d’Aran repren es sòns terminis administratius e era atencion ciutadana damb cita prèvia aué deluns, 1 de junh

Pr’amor dera derogacion dera disposicion adicionau tresau deth Reiau Decret deth 14 de març, eth Conselh Generau d’Aran repren es terminis administratius suspenudi pendent er estat d’alarma decretat pera crisi deth COVID-19 aué deluns, 1 de junh.

Era Oficina d’Atencion ara Ciutadania (OAC) deth Conselh Generau d’Aran a reprenut tanben aué era sua activitat, mès damb quauques mesures de seguretat: ei de besonh demanar cita prèvia trucant ath 973 64 18 01 e ei obligatòri er us de mascareta entà accedir ara sedença deth Conselh.

Pera ua auta part, informam qu’es terminis procesaus se repreneràn tanben a compdar de dijaus, 4 de junh.