Licèu ara fresca 2018 – Sant Joan d’Arties

Un des espacis a on se mòstre era activitat d’un musèu ei enes sues exposicions temporaus, aguestes complementen e amplien eth discors des exposicions permanents, mès estatiques e damb ua lectura mens prigonda en sòn discors. En cas deth Musèu dera Val d’Aran er espaci d’exposicions temporaus se trape plaçat en un lòc plan emblematic: era glèisa gotica de sant Joan d’Arties.

Es exposicions que s’i organizen vòlen apregondir en diuèrsi aspèctes dera cultura aranesa, sense deishar de costat aspèctes d’interès mès generau. En aguest madeish espaci s’organizen jornades, conferéncies e corsi que complementen es exposicions que s’i mòstren.