• Se ben es indicis confirmen qu’er os aurie consumit eth mardan mòrt, de moment non i a pro evidéncies entà confirmar qu’era causa dera mòrt age estat un atac dirècte

• Eth Conselh Generau d’Aran indemnizarà era mòrt der animau ath ramadèr afectat entà cobrir era pèrta deth cap de bestiar pr’amor qu’es indicis dera preséncia der os son evidents

Era passada dimenjada se denoncièc un possible atac d’os a un mardan ena zòna de Sant Martí de Corilha, en Gessa (Naut Aran). Dempús de desplaçar-se enquiara zòna, es Agents de Miei Ambient deth Conselh Generau d’Aran evidencièren qu’er animau auie estat consumit per un os, mès non poderen confirmar qu’era causa dera mòrt auesse estat er atac d’un plantigrad.

En provar-se qu’era causa dera mòrt age estat er os, eth departament de Territòri, Paisatge e Miei Ambient se harà cargue dera compensacion ath ramadèr afectat entà cobrir era pèrta deth cap de bestiar. Se remassèren es rèstes der animau entà amiar a tèrme analisis addicionaus e verificar eth tipe de consum deth cadavre.