Eth Conselh Generau d’Aran exprèsse eth sòn mès sentit dò pera mòrt deth sindic d’Aran, Carlos Barrera, e transmet es sues condolences per aguesta pèrta ara sua familha e amistats.

Carlos Barrera siguec escuelhut sindic d’Aran per prumèr còp en 1995 e aucupèc eth cargue en ua prumèra etapa enquiar an 2007. En 2011 tornèc a a aucupar eth cargue enquia 2019.

Pendent 20 ans exercic coma sindic en tot trabalhar per Aran, eth sòn autogovèrn e era sua ciutadania damb compromís e leiautat ath territòri.

Eth govèrn deth Conselh Generau d’Aran decrète tres dies de dò oficiau en tot eth territòri d’Aran. Pendent aguesti tres dies, se suspenerà era celebracion de recepcions e actes oficiaus e es drapèus onejaràn a mieja asta coma mòstra de respècte enes bastisses e dependéncies deth Conselh Generau d’Aran, atau coma enes corporacions publiques dera Val d’Aran.

Demore en patz.