• Era sindica d’Aran a hèt a arribar as responsables d’aguesta empresa era demana deth Conselh Generau d’Aran entà que se redaurisque eth Punt de Servici plaçat en Vielha, un barrament qu’a provocat un perjudici ara ciutadania d’Aran, sustot en barrar-se tanben eth plaçat ena Alta Ribagorça

Aguesti dies endarrèr era sindica d’Aran, Maria Vergés, hec a arribar as responsables dera empresa electrica Endesa era demana deth Conselh Generau d’Aran entà que se recupère eth Punt de Servici plaçat en Aran e que siguec barrat mesi endarrèr. Aguest barrament a provocat nombrosi inconvenients ara ciutadania dera Val d’Aran, qu’enquia hè un temps s’auien de desplaçar enquia  Pont de Suert entà realizar determinades gestions. Totun, eth posterior barrament tanben d’aguesta oficina ena Alta Ribagorça, a obligat as usatgèrs e usatgères a auer-se de desplaçar enquia Tremp tà amiar a tèrme gestions que non ei possible realizar telematicament.

Deuant d’aguest ahèr, en tot remassar es reclamacions des vesins e vesies deth nòste territòri, era sindica d’Aran a transmetut era preocupacion e mauestar per aguest barrament e a instat a Endesa a recuperar aguest servici ena Val d’Aran.

Vielha, 4 de junhsèga deth 2022