• Eth Conselh Generau d’Aran amièc a tèrme un Plan de Dinamizacion Economic-Comerciau que demorèc arturat pr’amor dera pandemia en qu’ara trabalhe tà poder desvolopar-lo d’acòrd damb eth sector

• Pendent era amassada damb PIMEC ager se plantegèc tanben d’implementar estrategies conjuntes entà poder amiar a tèrme es accions contemplades en aguest document

Era sindica d’Aran, Maria Vergés, es conselhèrs d’Economia e Promocion Economica, Juan Antonio Serrano e Josep Canut, e eth conselhèr de Governacion, Amador Marqués, receberen ager ath president de PIMEComerç Lleida e era sua equipa entà tractar ahèrs relacionadi damb eth comèrç dera Val d’Aran.

Aguesta trobada servic entà emplaçar-se a trabalhar de manèra conjunta en impuls deth teishit empresariau dera Val d’Aran e dar supòrt ath comèrç locau deth territòri a trauès des accions previstes en Plan e de d’autes que PIMEC preten desvolopar en territòri en collaboracion damb eth sector comerciau.

Vielha, 8 de hereuèr de 2023