• A trauès d’aguesti convènis, eth Conselh Generau d’Aran, establís un mecanisme de finançament entà activitats que servisquen tath desvolopament e creishement des nòsti joeni e joenes enes sòns corresponents municipis

Eth Conselh Generau d’Aran a aprovat en Conselh de Govèrn eth renauiment des sòns convènis de collaboracion damb es Ajuntaments de Vielha e Mijaran, Les, Bossòst, Es Bòrdes e Naut Aran entath finançament d’activitats adreçades as persones joenes.

Er objècte d’aguesti convènis, dotadi de lèu 8.000 € cada un d’eri, ei dotar de hons as consistòris entara realizacion d’activitats e politiques que servisquen entath desvolopament e creishement des nòsti joeni e joenes a trauès d’ua tecnica compartida de Joenessa.

Eth Contracte Programa deth Conselh Generau d’Aran e era Generalitat de Catalunya, qu’ei er esturment de gestion qu’establís era coordinacion, cooperacion e collaboracion entre andús govèrs entara gestion des servicis sociaus, inclodís aguesti convènis de mecanisme de finançament entà realizar politiques municipaus de joenessa.