• Aguest eveniment serà dubèrt ath public, aurà lòc eth dimèrcles, 8 de noveme entàs 18:30 ena Sala d’Actes deth Conselh Generau d’Aran e compdarà damb era participacion de diuèrses persones deth territòri implicades en diferents sectors relacionadi damb er espòrt

Eth govèrn deth Conselh Generau d’Aran, amassa damb era Fondacion Catalana per Espòrt, a organizat entad aguest dimèrcles, 8 de noveme tàs 18:30 ores, era taula redona “Parlem d’espòrt en Pirenèu: era Val d’Aran com scenari esportiu”, que compdarà damb era preséncia e participacion de diuèrses persones deth territòri implicades en diferents sectors relacionadi damb er espòrt.

“Dera maxima institucion aranesa ençà èm completament implicadi ena promocion e impuls der espòrt aranés, que consideram un des èishi vertebradors deth nòste territòri” afirmaue eth conselhèr d’Espòrts, Javier Cavero, en tot híger que: “auem volut organizar aguesta taula redona coma espaci d’escota e dialòg damb eth sector, en tot auer en compde qu’eth der espòrt ei un airau entath quau trabalham tà arténher mès competéncies e recorsi”.

Er acte serà dubèrt ath public e aurà lòc ena Sala d’Actes dera sedença deth Conselh Generau d’Aran.