• A trauès d’un convèni damb eth qué se collabòre damb es familhes en tot aportar 50€ per escolan/a entath finançament des ordenadors. Tanben s’i inclodissen aqueri mainatges dera ESO e primària que s’incorpòren damb retard ar ensenhament aranés e que non an dotacion especifica d’ordenador

• Aguest projècte de digitalizacion implique que totes es escòles dera Val d’Aran agen podut installar disparièrs equipaments informatics e recorsi educatius digitaus en tot adequar es sues installacions as naui requeriments

Eth Conselh Generau d’Aran a apostat per un projècte de digitalizacion des aules basat en Projècte 1×1 iniciat peth Departament d’Ensenyament dera Generalitat de Catalunya, qu’en Aran se concretèc de forma pionèra en Catalunya enes corsi de 3au e naui alumnes d’Educacion Primària en cors 2009-2010.

Aguest projècte de digitalizacion a contribuït a que totes es escòles dera Val d’Aran agen podut installar disparièrs equipaments informatics e recorsi educatius digitaus en tot adequar es sues installacions as naui requeriments.

Era sindica d’Aran a afirmat qu’: “eth Conselh Generau d’Aran avalòre fòrça positivament aguest projècte, e pr’amor d’aquerò a era volentat s’i seguís implicant economicament, en tot ajudar as familhes a afrontar era despena dera crompa d’un ordenador”.

Es centres educatius d’Educacion Primària dera Val d’Aran participen en aguest procès en tot ellaborar tota sòrta de materiaus educatius digitaus atau coma en tot participar en procèssi de formacion en naues tecnologies en mon educatiu.

Er objècte d’aguest convèni ei collaborar damb es escòles d’educacion infantila e primària entath finançament des ordenadors des escolans de cada centre. Tanben s’i tien en compde aqueri mainatges dera ESO e primària que s’incorpòren damb retard ar ensenhament aranés e que non an dotacion especifica d’ordenador.

Vielha, 7 de deseme de 2023