• Agesta actuacion, qu’a consistit ena reparacion des murs e era cobèrta dera capèla dera glèisa de Sant Julian, ère fòrça de besonh pr’amor qu’en aguest espaci se sauven es bens mòbles de major valor artistic dera glèisa e es murs e eth tet presentauen ua sèrie de henerècles e horats que provocauen filtracions d’aigua

Eth govèrn deth Conselh Generau d’Aran a amiat a tèrme pendent aguesti darrèri dies un trabalh de reparacion des murs e era cobèrta dera capèla dera glèisa de Sant Julian de Garòs.

Aguesta actuacion s’a amiat a tèrme damb urgéncia pr’amor qu’aguesta capèla sauve es bens mòbles de major valor artistic dera glèisa e presentaue diuèrses henerècles e horats en mur que provocauen filtracions d’aigua.

Era actuacion s’a amiat a tèrme damb ua inversion de lèu 10.500 €.

Aguesta actuacion s’a amiat a tèrme damb eth finançament deth convèni marc damb era Deputacion de Lleida en ambit de reabilitacion deth patrimòni istorico-artistic.