• Eth Grop d’accion locau deth Consòrci Leader Pirenèu Occidentau, deth quau era sindica d’Aran Maria Vergés ei era presidenta, ei eth nau sòci deth projècte Life eCO adapt50.

• Eth projècte se centre en cocrear accions d’estratègia conjunta entà adaptar es territòris e era economia locau ath cambi climatic.

Ath laguens deth projècte Life Ecoadapt50, a on i é includit LivingLab, en espacis territoriaus, ei eth prumèr que se hè en Aran e qu’a servit entà remassar prepauses d’accions que dempús s’an d’estudiar e priorizar a on es implicats participen en debats, reflexions e preses de decisions conjuntes.

Aguest projècte basat enes sectors agroramadèr, forestau, toristic e dera pesca ei, a nivèu de toti es sòcis de Catalonha, d’adaptacion e promocion d’ua transformacion pregona entà èster mès resilients e poder redusir d’aguesta manèra era vulnerabilitat des sectors economics que son eth supòrt deth territòri, ua adaptacion d’un punt de vista mès socioeconomic.

Entara sindica d’Aran, Maria Vergés: “préner part d’aguesti projèctes mos permet, per un costat conéisher accions e intercambiar experiéncies damb es territòris vesins e, per aute, trebalhar, atau e coma hèm damb d’auti importants projèctes qu’amiam a tèrme, tà qu’era Val d’Aran esdevengue un territòri resilient ath cambi climatic”.

Eth projècte LIFE_eCOadapt50, damb hons dera Union Europèa, a ua durada de 8 ans e compde damb 25 sòcis e 1800 persones implicades, damb mès de 76 accions previstes e ua inversion totau de dètz-e-ueit milions sies cent mil euros.

Vielha, 28 de junh de 2024