Entàs 10.58 ores d’aué, era Sala de Contròtle d’Aran a recebut un avís mejançant eth telefon 112 on s’informaue qu’un òme s’auie espatlat apròp deth lac des Pois, ena Artiga de Lin.

Enquiath lòc s’an desplaçat 4 membres deth Grop de Rescat en Montanha (GRM) deth Còs de Pompièrs d’Aran tamb er elicoptèr de rescat dera Val d’Aran. Un còp ath lòc s’a confirmat qu’era persona accidentada presentaue lesions incompatibles damb era vida e s’a transferit era intervencion tàs Mòssos d’Esquadra entara sua investigacion e tath lheuament deth còs.

Ena madeisha intervencion s’a evacuat a ua persona indemna tar elipòrt dera Val d’Aran, a on s’a transportat damb ua ambulància des Pompièrs d’Aran tar Espitau de

Vielha.

Eth Conselh Generau d’Aran hè arribar es sues condoloences ara familha e amics.

Vielha, 31 de junhsèga de 2024