- Eth govèrn d’Aran aufrís aguesti corsi, adaptadi as diferenti nivèus, en diuèrsi oraris e en modalitat presenciau e/o telematica (segontes eth nivèu).
- Es preinscripcions se pòden hèr a compdar d’aué ena web oficiau der aranés.
A compdar d’aué e enquiath deluns 23 de seteme, son dubèrtes es preinscripcions online entàs corsi d’aranés 2024-2025 deth Conselh Generau d’Aran, adaptadi as diferenti nivèus.
“Aguestes classes d’aranés representen un esturment fòrça important entà mantier viua era lengua, normalizar-la e apropar-la as persones nauvengudes o tad aqueres que volguen completar es sòns coneishements”, afirme era sindica d’Aran, Maria Vergés.
Es persones que volguen ja se pòden inscríuer, mès rebrembam qu’es places son limitades e s’assignaràn per sorteg. Un còp hèta era preinscripcion, se receberà un corrèu electronic (entre es dies 26 de seteme e 4 d’octobre) a on s’includirà eth numèro de compde bancari entà hèr eth pagament dera matricula. Es classes començaràn era setmana deth 14 d’octobre.
Es oraris, per nivèu, son aguesti:
- Nivèu A1 (presenciau): es deluns, de 18:00 a 20:00 ores.
(on line): dijaus, de 18 a 20:00 ores.
- Nivèu A2 (dia per decidir) de 18:00 a 20:00 ores.
- Nivèu B1 (presenciau): es deluns, de 19:00 a 21:00 ores.
(on line): es dimars, de 18:00 a 20:00 ores.
- Nivèu B2 (presenciau): es dimèrcles, de 18:00 a 20:00 ores.
(on line): es dimars, des 18:00 a 20:00 ores
- Nivèu C1 (on line): es dimars, de 18:00 a 20:00 ores.
Eth prètz generau dera matricula ei de 52 euros; entath personau dera administracion eth prètz ei de 26 euros, e era inscripcion ei de franc entàs estudiants empadronadi en Aran e tàs persones en situacion de caumatge o jubilades. Entà totes es tarifes redusides calerà aportar un justificant.
Es examens se haràn, en prumèra convocatòria, en Vielha e Barcelona, enes mesi de mai e junh de 2025, e en dusau convocatòria, en Vielha, en seteme de 2025. Es preinscripcions se pòden hèr en: https://aranes.conselharan.org/corsi-daranes/.
Vielha, 17 de seteme de 2024