Er Archiu consèrve aguesti documents restauradi qué seràn ara digitalizadi e lèu se poiràn consultar en linha  a trauès deth cercador de hons.

Er Archiu Generau d’Aran compde de nau damb era colleccion restaurada de quaranta nau romanci que formen part deth patrimòni dera familha Aunòs de Çò de Joanchiquet de Vilamòs.

Es documents, un còp restauradi, an estat installadi en ua carpeta de conservacion. Ua actuacion qu’arribe a trauès deth Pla Bruniquer, promoigut peth Departament de Cultura dera Generalitat e metut a disposicion des archius comarcaus e der Arxiu Nacional de Catalunya.

Eth romanç ei un poèma caracteristic dera tradicion orau deth sègle XV. Un sègle dempús es autors dera epòca lo popularizauen e era sua transmission se hège impresa. Uns poèmes narratius de grana varietat tematica segontes eth gust popular de cada moment e de cada lòc.  Aguesti se venien en hèires des pòbles e ciutats e molti s’an perdut  per èster un materiau fragil.

Es documents seràn ara digitalizadi e lèu se poiràn consultar en linha a trauès deth cercador de hons e documents dera Xarxa d’Archius Comarcals de Catalunya.

Vielha, 11 d’octobre 2024