• Aguestes ajudes, destinades ara creacion, desvolopament e melhora d’empreses e ajuntaments d’entorns ruraus, se pòden demanar enquiath 31 d’octobre.

Eth 31 d’octobre ei era data limita entara sollicitud d’ajudes europèes “Leader”, des quaus se poderàn beneficiar totes es empreses e ajuntaments dera Val d’Aran interessadi en impulsar un projècte empresariau generador d’activitat economica en territòri.

Eth Departament d’Acció Climàtica, Alimentació i Agenda Rural (DACC) dera Generalitat de Catalonha seleccionèc 11 Grops d’Accion Locau (GAL) Leader, entà aplicar eth desvolopament locau participatiu Leader en contèxte deth Programa de Desvolopament Rurau ( PDR) de Catalonha 2023-2027.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o manteniment de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora deth patrimòni rurau e naturau tanben era sostenibilitat e era dinamizacion des territòris ruraus.

Eth tèrme de presentacion des ajudes s’acabe eth 31 d’octobre d’enguan. Es persones interessades en informar-se sus aguestes subvencions auràn de telefonar tath Conselh Generau d’Aran (973641801).

Tota era informacion detalhada la pòden trapar en aguest ligam: https://www.leaderpirineuoccidental.cat/

Vielha, 18 d’octobre de 2024