·         Aguestes milhores afècten deth Saut deth Pish enquia Bagergue e de Bagergue enquiara carretèra d’accès tath Plan de Beret

Eth Conselh Generau d’Aran continue damb era agenda de milhora e conservacion des camins dera Val d’Aran tad aguest 2024.

Aguesti dies an començat, temps dera intervencion dera carretèra d’accès tà Canejan, es trabalhs d’adeqüacion dera pista deth Saut deth Pish enquia Bagergue e de Bagergue enquiara carretèra d’accès tath Plan de Beret.

Eth camin d’accès tath Saut deth Pish ei un des endrets d’interès toristic dera Val d’Aran, qu’enes mesi de junh a seteme se collapse a conseqüéncia dera afluéncia de visitaires. Entà poder dar ua naua entrada tad aguest endret se milhore er accès tara pista per Bagergue. Ath delà, aguest camin pòt servir de connexion entre es pòbles de Bagergue e Arròs. En aguest sector, es trabalhs an consistit ena reparacion des passi d’aigua, eth bastiment deth varat e era reconstruccion dera barrèra de seguretat de pèira. Ara se trabalhe ena milhora des marges en un sector dera carretèra.

Era dusau intervencion ei prevista en un aute punt d’interès, eth que da accès tath Plan de Beret. Tad aguest se i accedís actuaument pera C-142b per Vaquèira. Damb aguesta milhora se vò da entrada tath Plan de Beret per Bagergue.

Cau rebrembar qu’aguest plan d’accion ei laguens des trabalhs de milhora e conservacion des camins dera Val d’Aran e qu’a includit tanben era intervencion d’accès tath nucli de Canejan pera N-230 e que consistien ena pavimentacion damb aglomerat asfaltic, ena recuperacion dera superfícia transitabla enes susamplades e milhorar era seguretat deth transit rotèr ath long dera via.

Vielha, 29 d’octobre 2024