• Aguest convèni s’adòpte en disparièri airaus der encastre competenciau dera Val d’Aran  pendent es annualitats 2024-2027.

Eth Conselh Generau d’Aran e era Diputació de Lleida vien de signar eth convèni de collaboracion entre es dus estaments en encastre competenciau qu’a era Val d’Aran en aquerò que hè referéncia a foment e promocion dera cultura aranesa e occitana, ath supòrt entara conservacion, era administracion deth patrimòni culturau, torisme e espòrts entre d’auti apartats, entàs annualitats deth 2024-2027.

Era Diputació de Lleida aportarà ath govèrn Aranés, en concèpte de subvencion e pendent 4 ans, era quantitat de 305 mil euros per cada ua des annualitats. Entath aguest 2024 era dotacion economica se despartirà en foment dera lengua aranesa damb un impòrt totau de 18 mil euros, 35 mil en apartat de torisme, ua partida de 73 mil euros entà promocion economica, en inversions en restauracion deth bens patrimoniaus arquitectonics e culturaus, 61 mil euros, e ath delà, ena partida tanben se preven 93 mil euros entà inversions en endrets d’interès public. En apartat d’espòrts se destinaràn 25 mil euros tath mantenement deth Centre de Tecnificacion d’Espòrts d’Iuèrn.

Aguesta collaboracion entre es dues institucions date der an 2005.

Vielha, 25 de noveme 2024