• Eth Conselh Generau d’Aran a renauit es acòrds de patrocini damb es esportistes aranesi d’elèit qu’an per objectiu balhar eth supòrt dera institucion tà impulsar era sua carrèra esportiva coma referents en territòri.

Un totau de ueit esportistes aranesi d’elèit an signat es sòns contractes de patrocini dera mèrca “Val d’Aran era esséncia des Pirinèus”. Damb aguest supòrt, eth Conselh Generau d’Aran vò acompanhar ena sua carrèra ad aguesti esportistes aranesi ath temps que promocione era destinacion dera Val d’Aran coma endret de referéncia ena practica esportiva.

Es esportistes comprometudi damb aguest acòrd promocionau son es freeriders Aymar Navarro, Abel Moga e Álex Dedieu, Alex Puente en esquí aupin,Marta Céster d’Esquí de hons, Mari Boya que competís ena disciplina d’automobilisme, Lidia Iglesias en ciclisme e Laura Riquelme qu’actuaument competís en fotbòl.

Tanben cau resgbttacar eth compromís per part des esportistes de publicar enes sòns hilats sociaus, contengut diuèrs en aranés qu’ajude a méter en valor e visualizar era lengua pròpria d’Aran.

Vielha, 27 de deseme 2024